टीकापुरमा गरिव घर परिचयपत्र वितरण शुरु,

टीकापुर १३ साउन
टीकापुर नगरपालिकाले गरिब परिचयपत्र बाट्न सुरु गरेको छ । नगर पालिकाको वडा नंं ४ मा आइतबारबाट गरीब घर परिचयपत्र वितरण शुरु भएको छ ।
टीकापुर नगरपालिकामा २ हजार सात ४४ अति गरिव, मध्यम गरिव एक हजार ३ सय ८५, सामान्य गरिव ९ सय ६१ जना रहेको जानकारी दिइएको छ ।
वडा नं. ४ का वडा अध्यक्ष लालविर चौधरीले अति गरीबलाई रातो रङको, मध्यम गरीबलाई पहेंलो रङको र सामान्य गरीबलाई नीलो रङको परिचयपत्र दिने व्यवस्था सरकारले गरेको बताउंदै गरीब घर परिचयपत्रका आधारमा राज्यले भविष्यमा सेवा सुविधा दिने बताउनुभयो ।
करिब ४ वर्ष पहिले लगेको लगतका आधारमा आएका परिचयपत्रहरु अहिले बितरण गर्ने काम सुरु भएको नगर प्रमुख तपेन्द्र रावलले बताउनुभयो । नगर प्रमुख रावलले सबै वडाहरुमा परिचयपत्र बितरण गरिने बताउनु भयो । टीकापुरमा पांच हजार ९० जना गरीबीको परिचयपत्र पाउन योग्य रहेको बताइएको छ ।
परिचय पत्र वितरणका क्रममा केही नागरिकहरु आफ्नो नाम किन आएन भनी वडामा आउन थालेका छन् । ४ वर्ष पहिले लगत लिएर दाबी उजीरीको समयमा कैयौं मानिसले चाँसो नदिदा अहिले यो समस्या आएको नगर प्रमुख रावल बताउनु हुन्छ ।
कैलाली सहित आठ जिल्लामा नमूनाका रुपमा गरीब घर परिचयपत्र वितरण गर्न लागिएको छ । सरकारले विसं २०६९ मा गरेको गरीबको सर्वेक्षणका आधारमा परिचयपत्र दिने कार्य शुरु भएको हो ।
परिचयपत्र वितरण गर्दै गरीब घर परिचयपत्रका आधारमा राज्यले भविष्यमा सेवा सुविधा दिनेछ । परिचयपत्र वितरणमा सहभागी हुने कर्मचारीलाई गरीब घर परिचयपत्र वितरणसम्बन्धी अभिमुखिकीकरण दिइएको थियो ।