निषेधित क्षेत्र घोषणाले जानकी गाउपालिकाको वडा नं. ९ मा जुवातास खेल्ने कार्यमा कमी

टीकापुर १४ साउन
जुवातासले वार्डवासीहरुलाई कुलतमा फसाउन थालेपछि जानकी गाँउपालिका वार्ड नं. ९ लाई जुवातास निषेधित क्षेत्र घोषणा गरेको थियो । घोषणा पछि अहिले गाउमा मानिसहरु जुवातास खेल्न बन्द गरेका छन् ।
जानकी गाउँपालिकाको वडा नं. ९ मा जुवातास खेल्न बन्द भएको छ । विगतमा सडक तथा चौकमै जुवातास खेलिने वडा नं. ९ मा जुवातास निषेधित क्षेत्र घोषणा गरेपछि कमी आएको वडा अध्यक्ष खकेन्द्र भण्डारीले बताउनुभयो ।
गाँउपालिकामा जुवातासले विभिन्न हिंसा तथा विकृति मौलाउदै गएकाले गतबर्ष पौष १९ गते वडालाई जुवातास निषेधित क्षेत्र घोषणा गरेको थियो ।
सामाजिक विकास तथा नमुना क्षेत्र बनाउन वडास्तरबाट शुरुवातका रुपमा जुवातास निषेधित क्षेत्र घोषणा गरि कार्यान्वयमा ल्याएको वडा अध्यक्ष भण्डारीले बताउनुभयो । उहाँले घोषणाको आफसले सधैं निगरानी गरिरहेको बताउंदै आगामी दिन जुवातास संगै मदिरा समेत निधेषित गर्ने तयारीमा रहेको बताउनुभयो ।
जुवातास नियन्त्रणको लागि स्थानीय तहबाटै नीतिबनाई कडाइका साथलागु गर्न सुरुवात गरेको वडा अध्यक्ष खकेन्द्र भण्डारीले बताउनुभयो । उहांले वडामा निषेधित क्षेत्र घोषणा गरेपनि पक्राउ र कारवाही भने कसैलाई गरेको छैन । उहांले जुवाडे प्रहरीको फन्दामा परे एक हजार जरिवाना तिराउने निर्णय समेत भएको बताउनुभयो ।
जुवातास निषेधित क्षेत्र घोषणाले अवका दिनमा थप लैगिङ्क हिंसा अन्त्यमा सहयोग पुग्ने भएकाले प्रभावकारी कार्यान्वयनको लागि प्रहरी परिचालन बढाउने प्रहरीले बताएको छ । वडाले जुवाडेलाई पक्राउ गरे जरिमाना तिराउने कार्य भएको बताएपनि अमरावति प्रहरी चौकीका चक्रजंग शाहीले निषेधित क्षेत्र घोषणापछि पक्राउ भने कोही नपरेको बताउनुभयो । उहांले जुवातास भन्दा मदिरा सेवनका घटना प्रहरी काहाँ बढी आउने गरेका बताउनु भयो ।
जुवातासले मानिसको समय बर्बाद संगै धनजनको क्षति हुने गर्दछ । जुवातास निषेधित क्षेत्र घोषणाले अव आफ्नै खेतबारीको काम गर्न दबाब पुग्ने भएकाले राम्रो कार्यको थालनीका लागि सबैबाट सहयोग हुनु पर्दछ ।