देशभरिका ५६ लाख घरधुरीले नै जलविद्युत आयोजनामा सेयर पाउने, अब सबै आयोजना प्रतिस्प्रधामा मात्र

काठमाडौं, १ भदौ– ऊर्जामन्त्री वर्षमान पुनले देशभरिका ५६ लाख घरधुरीले नै जलविद्युत आयोजनामा सेयर पाउने बताउनुभएको छ । जलविद्युत आयोजनामाहरुमा सबै घरधुरीको सेयर लगानी गराउने वातावरण सुनिश्चित गराउन सरकारले काम गरिरेको मन्त्ती पुनको भनाई छ ।

शुक्रबार नेपाल विद्युत प्राधिकरणको वाषिर्क उत्सव समारोहमा बोल्दै मन्त्री पुनले ‘भविष्यमा वृद्धभत्ता लिएजस्तै सेयरबाट लाभ मिल्ने गरी सबै घरले जलविद्युतमा सेयर हाल्न पाउने वातावरण सरकारले बनाउँदैछ,’ उहाँले भन्नुभयो । ऊर्जामा हुने लगानीमार्फत नै सबै नेपालीको घरमा समृद्धि ल्याउने सपना सकार पारिने ।’ बताउनु भयो ।

मन्त्री पुनले अब राजनीतिक दबाब र प्रभावका आधारमा आयोजना नबाढिने पनि स्पष्ट पार्नु भयो । राजनीतिक भनसुनका आधारमा आयोजना अघि बढाउँदा समयमै निर्माण नहुने, लागत महंगो पर्ने लगायतका समस्या आउने गरेको भन्दै यस्तो हुन नदिन अब सरकारले प्रतिस्पर्धालाई नै मुख्य आधार बनाउने प्रष्ट्याउनु भयो । प्रतिस्पर्धालाई पन्छाउँदा कतिपय आयोजननामा तेब्बरसम्म खर्च भएको मन्त्री पुनले खुलासा गर्नुभयो ।

कार्यक्रममा बोल्दै मन्त्री पुनले कुलेखानी–३ आयोजना अगस्ट महिनाभित्रै सम्पन्न गर्न सरकारले चिनियाँ दूतावासको ध्यानाकर्षण गराएको जानकारी दिनुभयो । यस्तै माथिल्लो त्रिशुली थ्री ए आयोजना पनि जनवरीभित्रै सम्पन्न गर्ने गरी काम तीव्र पार्न मन्त्री पुनले प्राधिकरणलाई निर्देशन दिनुभयो ।

मन्त्री पुनले विगतमा लोलसेडिङ अन्त्यका लागि मिहिनेत गरेजस्तै अब विश्वसनीय र भरपर्दो विद्युत सेवा दिने गरी काम गर्नुपर्ने बताउनुभयो । ‘प्रसारणलाइनको राइट अफ वेमा परेको जग्गामा परेका पीडितलाई आफ्नै घरघँडेरी परेकोजस्तो मानेर व्यवहार गर्नुस्,विद्युतीय दुर्घटनामा मान्छे मर्ने अवस्था नआओस् । मृत्यु बेहोर्नेहरु आफ्नै परिवारका सदस्य हुन् भन्ने मानेर अघि बढ्नुस् ।’ मन्त्री पुनले कर्मचारीलाई निर्देशन दिनुभयो । कर्मचारीलाई आफ्नो कार्यशैलीमा पनि सुधार ल्याउन मन्त्री पुनको आग्रह थियो ।

Khaptadkhabar the love