सेती लोकमार्ग निर्माणमा अबरोध हट्यो, बाटोमा पर्ने रुख कटानका लागि सम्झैता सम्पन्न

काठमाण्डु १० मंसिर
कैलालीको टीकापुरदेखि बौनिया हुदै नेपाल चिन सिमाना ताक्लाकोट सम्म पुग्ने सेती लोक मार्गको कैलालीको क्षेत्रमा पर्ने बाटोका रुख कटानका लागि अब बाटो खुलेको छ ।
वन तथा भूसंरण बिभागले डिभिजन वन कार्यालय कैलालीलाई आज एक पत्र लेखी सेती लोक मार्गमा पर्ने कैलालीको सिमा भित्रका रुख कटानी गर्न२०७७ कार्तिक २० गते मन्त्री परिषदले निर्णय गरेको र आज वन तथा भूसंरक्षण विभाग र सडक बिभाग बिच सम्र्झौता भएकोले सो को कार्यान्वयनका लागि निर्देशन दिएको छ ।
सेती लोक मार्गको दक्षिण खण्ड कैलालीको टीकापुर,वर्दगोरियार महोन्यालको २ सय ३३ दशमलब ५४ हेक्टर सडकमा पर्ने ९ हजार ६ सय ८६ वटा रुखहरु हटाउन स्विकृति दिने निर्णय भएपछि अब सो सडक निर्माणको सबै भन्दा ठूलो समस्या हल भएको छ ।
२०६५ सालमा सरकारले सेती लोक मार्ग निर्माणका लागि निति तथा बजेट ल्याएको र टीकापुर देखी बौनिया सम्मको सडकको ट्र्याक खोल्ने काम समेत भैसकेको छ ।
कैलालीको महोन्याल क्षेत्रमा सो सडकमा पर्ने कोपिला सामुदायिक वन,इन्द्रेणी सामुदायिक वन,दानविर सामुदायिक वन लगाएतका सामुदायिक वन र राष्ट्रिय वन क्षेत्रमा पर्ने ति रुखहरु कटान लगत्तै सडक निर्माणको अबरोध सकिने छ ।
सुदुरपश्चिम प्रदेश र कर्णाली प्रदेशका जनताको जिवन स्तर सुधारमा कोषेढुँगा सावितहुने सो सडक निर्माणले भारत र चिनलाई समेत जोड्ने छ ।
सेती लोकमार्गको उत्तर तर्फको निर्माण कार्य सुचारु भएपनि दक्षिण तर्फको काममा बाताबरणीय प्रभाव मूल्याँकन र रुख कटानका लागि वन मन्त्रालयले समयमै काम नगरिदिनाले सरकारले सेती लोकमार्ग निर्माणको योजना ल्याएको १२ वर्ष वित्नलागदा समेत अहिले सम्म ट्याक खोल्ने काम समेत हुन सकेको छैन ।
गत आर्थिक वर्षमा कैलालीको सिमा भित्रको बाताबरणिय प्रभाव मूल्याँकनको काम सम्पन्न भएको भएपनि मन्त्री परिषदले निर्णय गर्ने र सडक विभाग र वन तथा भूसंरण विभागका विचमा सम्झौता हुने काम हुन नसक्नाले सेती लोकमार्ग निर्माणमा अबरोध हुदै आएको कैलाली क्षेत्र नं.२ का साँसद झपट रावल बताउनुहुन्छ ।
जनताको धेरै ठूलो जनदबाबको बलमा सो काम भएको बताउदै साँसद रावललले अब सेती लोकमार्ग निर्माणको काम दुर्त गतिमा अगाडी बढाउन आफु निरन्तर लागि रहने बताउनु भयो ।
साँसद रावलले विगत देखी नै आफु भौतिक पूर्वाधार तथा यातायात मन्त्रालय र वन मन्त्रालयमा निरन्तर सेती लोक मार्गको काम को उल्झन हटाउन लागि परेको र अब बाँकी कामका लागि समेत निरनतर लागि पर्ने बताउनु भयो ।