कैलाली १ निर्वाचन क्षेत्र पुर्वाधार विकासका योजना छनौट

टीकापुर ११ मंसिर
कैलाली निर्वाचन क्षेत्र नं. १ को निर्वाचन क्षेत्र पूर्वाधार कार्यक्रमको चालु आर्थिक वर्षका योजनाहरु छनौट भएका छन । सो क्षेत्रबाट निर्वाचित साँसद रेसम चौधरी टीकापुर घटनाको मुख्य योजनाकारको अभियोगमा जेलमा रहेका कारण गत वर्ष सो क्षेत्रका लागि बिनियोजित पूर्वाधार विकास कार्यक्रमको रकम फ्रिज भएको थियो ।
यस वर्ष राष्ट्रिय सभाका साँसद सारदा भट्टको नेतृत्वमा सो रकम विभिन्न योजनामा विनियोजन गरिएको छ । खप्तड खबरलाई प्राप्त जानकारी अनुसार सो कार्यक्रममा टीकापुर डुडेझारी सडक खण्डको क्षेत्र नं.१ कोक्षेत्रमा पर्ने सडक कालोपत्रेका लागि १५ लाख बिनियोजन गरिएको छ भने टीकापुर बहुमुखी क्याम्पस नजिकको जमरा पक्की पुल देखी शिवमन्दीर हुदै द्धारिका न्यौपानेको घरसम्मको रिंग रोड कालो पत्रे २० लाख, व्यवसाय गोलचोक देखी ललित साउदको घर हुदै बन्दीपुर जाने सडक कालोपत्रे २० लाख, समितीपुर आमा समुहको जग्गगामा योगहल निर्माण १० लाख, बनगाउ पिपल चोकबाट फाटा जाने बाटो सडक स्तरोन्नती १८ लाख, खडक साउदको घर अगाडीको कालिकादेवी मन्दिरको पर्खाल निर्माण १० लाख ८० हजार,कर्णाली सेवा समाजको अधुरो भवन निर्माणमा १७ लाख बिनियोजन गरिएको छ ।
यस्तै जानकी ३ अतवारीको घरदेखी खोप केन्द्र हुदै जगतपुर जोड्ने सडक स्तरोन्नती १८ लाख, महोन्याल मन्दीर निर्माण टीकापुर १ मा २० लाख, नारायणपुर युवराज नायकको घर अगाडीको बाटोदेखी पर्सेनी भर्तापुर जाने बाटो कालो पत्रे २५ लाख, विजय नगरमा थारु सामुदायिक भवन निर्माण १० लाख, जनज्योती स्कुल जोतीनगरको भवन निर्माण १८ लाख, नयाँ नेपाल स्कुल एकतापुर १५ लाख, टीकापुर ९ बालुवाटार चोक देखी वार्ड नं.७ सम्मको सडक स्तरोन्नती १४ लाख, जनतामावी सुनाफाटा विद्यालय भवन निर्माण १० लाख, मुक्त कमैया प्रावि जोशीपुर ३ को भवन निर्माण १८ लाख, महोन्याल स्कुल देखी भगवानपुरैयाको घर हुदै काडानदीको पक्कीपुल (जोशीपुर १) सम्म सडक स्तरोन्नती १५ लाख, जनकपुर कालिका मन्दीर देखी हुलाकी सडक सम्म सडक स्तरोन्नती १५ लाख, महेन्द्र भण्डारीको घर अगाडी ज्ञानीकुलोमा कल्भर्ट निर्माणमा १५ लाख विनियोजन गरिएको छ ।
यस्तै टीकापुर १ खक्रौलाल रोड देखि पश्चिम सिएमए क्याम्पुस ओम शान्तिहुदै रामबहादुर चौधरीको घर हुदै समितीपुर जाने बाटो स्तरोन्नती १२ लाख, गौतम गोत्री एकता समाजको भवन निर्माण १५ लाख, युनाइटेड स्कुल देखि भुपुसैनिक जोड्ने बाटो कालोपत्रे १२ लाख, नयाँ नेपाल स्कुल देखि रामप्रसाद शर्माको घर हुदै हिक्मतपुर जानेबाटो माटोपटानी ग्राभेल १० लाख, सामुदायिक प्रहरीको घेरा पर्खाल निर्माण १० लाख, झुँगा बहुदल चौधरीको घरदेखी गर्व चौधरीको घर सम्मको बाटो ग्राभेल १० लाख, ब्रह्म कुमारी इश्वरीय विश्वविद्यालयको अधुरो भवन निर्माण टीकापुरमा १५ लाख र विरेन्द्र बहुमुखी क्याम्पसको अधुरो भवन निर्माण १० लाख तथा जिल्ला समन्वय समितिको प्रशासनिक खर्च २ लाख २० हजार रहेको छ ।