टीकापुर ८ चैत्र
टीकापुर नगरपालिका वार्ड नं.१ मुनुवा रोड खाद्य गोदाम नजिक आज बम फेला परेको छ ।
बाटोको साइड तिरको नाली जेसिभिले खन्दै गर्दा सो ठाउमा बम फेला परेको हो । त्यहा फेला परेको बम नै भएको र निस्क्रीय पार्नका लागि नेपाली सेनाको गोराँगे ब्यारेकलाई खबर गरिसकिएको प्रहरीले जनाएको छ ।
फेला परेको बम माओवादी शसस्त्र द्धन्द्धका बेला राखिएको हुन सक्ने आशंका गरिएको छ । यद्धपी सो कुराको पुष्टि हुन सकेको छैन । घटना स्थललाई अहिले प्रहरीले नियन्त्रणमा लिइसकेको छ ।
