टीकापुर १५  कार्तिक        नेकपा एमाले   टीकापुर नगरपालिकाको नगर अधिवेशन शुरु भएको छ । सोमबार भएको उद्घाटन कार्यक्रमलाई सम्बोधन गर्ने नेताहरुले देश विकासका लागि नेकपा एमाले मजबुत हुनुपर्ने भएकाले पार्टीलाई बलियाे बनाउन लाग्नुपर्नेमा जोड दिएका छन् । कार्यक्रमका प्रमुख अतिति नेकपा एमाले कैलाली जिल्ला कमिटि सचिव दानबहादुर विकले सम्पूर्ण पार्टी पंक्तिलाई एक ढिक्का भएर अगाडि बढ्न अनुरोध गर्नु भएको छ । गुट उपगुटले पार्टीको विनास हुने भन्दै त्यस विषयमा सचेत भई एउटै झण्डामुूनी गोलबन्द हुन उहाँले आग्रह गर्नुभयो ।  उहाँले पार्टीका सम्पूर्ण कार्यकर्ताले पार्टीले लिएको निति अनुसार अगाडी बढ्नु पर्ने भन्दै आउदै गरेको केन्द्रीय महाधिवेशनले नयाँ बाटो तय गर्ने बताउनुभयो ।
नेकपा एमाले केन्द्रीय प्रचार विभाग सदस्य मातृका तिमिल्सेनाले पूर्वदेखि पश्चिमसम्म सडक निर्माण चौडा बनाउने लगायतका विकासका कामले भविष्य  राम्रो देखिएको भन्दै विविकास गर्ने क्रममा केहि अफ्ठ्यारो भएपनि पछिका दिनहरु सुनौला हुने बताउनु भयो। नेकपा एमाले जिल्ला कमिटि सदस्य तथा टीकापुर नगरपालिकाका नगर प्रमुख तपेन्द्रबहादुर रावलले एमाले पार्टी एकिकरण फुटबाट गुज्रेर फेरि स्थापित हुन लागेको र एमालेप्रतिको जनमत नडगमगाएको  बताउनुभयो । उहाँले एमालेको सरकार बनेपछि भन्सार कृषि विश्वविद्यालय जस्ता स‌रचनाहरु बन्दै गरेका र नगरपालिकामा पनि धेरै कामहरु भएको बताउदै ती कामहरुलाई पनि जनताको माझमा लैजानु पर्ने बताउनु भयो । उहाँले जनताका पक्षमा राम्रा काम गर्दै गर्दा हटनु परेकाले ती काम गर्न फेरि पनि एमालेको सरकार आवश्यक रहेकाे बताउनुभयो ।
अधिवेशन उद्घाटन कार्यक्रममा एमाले नेताहरु श्याम खत्रीले पार्टी विभाजनले खाशै नपरेकाे र एमाले छाडेेर गएकाहरु पनि फर्केर आउने बताउनुभयो । कार्यक्रममा मिनबहादुर कठायत, सम थापा, मोहन विक, ध्रुव खत्री, कमला शाही, हिराचन्द्र बराल, विजयराज सिंह मयाल, दिपक रावल, जनक खड्का, चक्र तिमिल्सिना, कृष्णा चौधरीले शुभकामना मन्तव्य राख्नु भएको थियो ।
सम्मेलन आयोजक कमिटी संयोजक प्रेमबहादुर साउँदको अध्यक्षतामा भएको कार्यक्रममा आयोजक कमिटी सदस्य ध्रुव परियारले स्वागत गर्नु भएको थियो । कार्यक्रम सञ्चालन लालबहादुर चौधरी र द्वारिका न्यौपानेले गर्नु भएको थियो ।
तत्कालिन नेकपाबाट एमाले र माओवादी छुट्टिए पनि टीकापुरमा नेकपा एमालेका कमिटि बन्न सकेको छैन् । कमिटि नहुँदा एमालले प्रदेश कमिटि सदस्य प्रेम साउदको अध्यक्षतामा ३ सदस्यीय अधिवेशन आयोजक कमिटि गठन गरेको छ । जसको सदस्यमा लालबहादुर चौधरी र ध्रुव परियार रहनुभयकाे थियाे ।