नेपाली साँस्कृति परिषदले गर्यो विद्यार्थीलाई झोला र किताब बितरण

टीकापुर, २६ साउन,
नेपाली साँस्कृति परिषदले आज टीकापुरमा विद्यार्थीहरुलाई शैक्षिक सामाग्रि बितरण गरेको छ । परिषदको आयोजनामा टीकापुरमा भएको साउनको प्रसाद बितरण तथा बिद्यार्थीलाई पुस्तक बितरण कार्यक्रममा सो काम भउको हो ।
कार्यक्रमका प्रमुुख अतिथि टीकापुर योगाश्रमका संस्थापक योगगुरु पृथ्वी श्रीले सुसंस्कृत समाजको निर्माणका लागि संस्कृतिको प्रचार संरक्षण आवश्यक रहेको बताउनु भयो । उहाँले योग माध्यमबाट सबै प्रकारका शारिरिक र मानसिक समस्याको प्राकृतिक उपचार गर्न सकिने समेत बताउनु भयो ।
कार्यक्रममा बोल्दै नेपाली सस्कृति परिषदका अन्तराष्टिय्र महासचिव तथा नेपालका अध्यक्ष हर्क स्वारले आफ्नो संस्कृतिलाई विर्सियर पहिचान खोज्न नसकिने बताउनु भयो । उहाँले आफ्नो धर्म, संसकार र संरक्षणमा जुट्न सबैलाई आग्रह समेत गर्नु भयो ।
कार्यक्रममा पत्रकार तथा समाजसेवी मातृका तिमिल्सैना संस्कृति समृद्ध भएमा राष्ट्रियता बलियो बन्ने बताउदै संस्कृति राष्ट्रको गहना भएको बताउनु भयो ।
कार्यक्रममा समाजसेवीहरु श्याम खत्री, प्रेम कडायत, निरञ्जन रावल, मोहन उपाध्याय लगाएतले शुभकामना व्यक्त गर्नु भएको थियो ।
नेपाली सस्कृति परिषदका अन्तराष्टिय्र महासचिव तथा नेपालका अध्यक्ष हर्क स्वारको अध्यक्षतामा भएको कार्यक्रममा स्वागत शिव थापा ललितले गर्नु भएको थियो भने सञ्चालन आत्माराज उपाध्यायले गर्नु भएको थियो ।
सो कार्यक्रममा करिब १०० गरिब तथा जेहन्दार विद्यार्थीहरुलाई झोला र किताब बितरण गरिएको थियो ।